БРАКО ГРАДИ НОВА ХАЛА ЗА ПРОИЗВОДСТВО Халата вредна 2,5 милиони евра ќе се простира на 4.400 квадратни метри
БРАКO продолжува да ја одржува конкурентската предност на пазарот, со континурано инвестирање во современа технологија и изградба на нови инфраструктурни капацитети.
БРАКО го шири производството и гради нови погони со цел да одговори на зголемената побарувачка од светот, пред сè за возилата за чистење. Новата хала се простира на површина од над 4.400 квадратни метри, а со неа дополнително ќе се подобрат условите за работа и ќе се овозможи проширување на производството, како одговор на зголемената побарувачка, пред сè на современите машини за чистење во урбани средини од линијата „Грин Машинс”.
Вања Андонова, главен инженер-архитект во БРАКО, вели дека халата, вредна 2,5 милиони евра, брзо напредува и дека БРАКО сам ја произведува конструкцијата.
– Во новата современа хала ќе биде поставена новата производствена линија за електричните и водородни возила од „Грин Машинс“, ќе се инсталираат нови ЦНЦ плазма машини за обработка на метал, со што значително ќе се подобри ефикасноста и ефективноста на производството, а во склоп на објектот ќе функционира и современ фабрички ресторан, со една реченица значително ќе се зголемат капацитетите за производство – вели инженер-архитект Вања Андонова.
БРАКO продолжува да ја одржува конкурентската предност на пазарот, со континурано инвестирање во современа технологија и изградба на нови инфраструктурни капацитети.
