📷 БОЖИКНА ПЕШТЕРА Е ПОСТАВЕНА НА ПЛОШТАДОТ ВО СКОПЈЕ Дечињата ќе добијат 2.000 златни ѕвездички
Како што објавија на својата фејсбук страница од „Бадникови поворки“, за време на Бадник бесплатно ќе бидат поделени над 2.000 златни божикни ѕвездички на децата кои ќе дојдат да учествуваат во најголемата бадникова поворка.
Во Скопје од синоќа е поставена божикната пештера, од страна на Здружението „Бадникови поворки“, а со дозвола на Град Скопје.
Околу неа има ограда, елки, фенери, кои уште повеќе придонесуваат за празничниот божикен амбиент. Како што објавија на својата фејсбук страница од „Бадникови поворки“, за време на Бадник бесплатно ќе бидат поделени над 2.000 златни божикни ѕвездички на децата кои ќе дојдат да учествуваат во најголемата бадникова поворка.
– Нејзиното празнично присуство на градскиот плоштад ќе ни ги грее срцата, ќе нè потсетува на суштината и на радоста што ни доаѓа. Токму овде, на ден Бадник 6 јануари 2024 година (сабота) во 11 часот, бесплатно ќе бидат поделени над 2.000 златни божикни ѕвездички на децата кои ќе дојдат да учествуваат во најголемата бадникова поворка што веднаш по малиот божикен концерт на Златно славејче и македонските поп ѕвезди, традиционално ќе започне од Камениот мост, а ќе заврши во Соборниот храм „Св.Климент Охридски“ со топол прием и дарување од Архиепископот Охридски и Македонски г.г Стефан – велат од Здружението.
Како што посочуваат оттаму, главниот град го следи примерот на останатите метрополи како Рим, Виена, Атина, Прага… кои во пресрет на божикните празници ги украсуваат своите плоштади поставувајќи пештери.