БОРКО РИСТОВСКИ ПРЕФЕРИРА ФЕР ПЛЕЈ Да се укине државната помош за тие што рекламираат казина и обложувалници, предлага министерот
Појавувањето на истакнати македонски спортисти во рекламни кампањи на обложувалниците и казината предизвика жестоки реакции во јавноста, а Ристовски вели дека е „доволно“ и дека е потребно да се воведе ред.
На сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата, предлага министерот за спорт Борко Ристовски во интервју за Рес Публика.
– Се однесува и на рекламирањето на обложувалници, се однесува и на недостојно однесување, генерално, на сите претседатели коишто се однесуваат така, на нивното работно место и надвор од него. Мора да создадеме градација, да кажеме дека дотука е доволно, а на сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата. Мислам дека е недостојно за кој било спортист да рекламира спортски обложувалници – вели министерот Борко Ристовски во интервјуто за Рес Публика.