Борис Новковиќ стана татко по четврти пат, најсексапилната Хрватка му роди син

Популарниот хрватски кантавтор Борис Новковиќ (53) вчерашниот ден ќе го запише како еден од најубавите во животот, затоа што неговата партнерка, студентката по моден дизајн и „Најсекси Хрватка“ во 2016 година, Ирис Волф, му роди син.

Хрватскиот „Тпортал“ дознава дека момчето е родено во вторникот напладне во загрепската болница „Меркур“ со царски рез.

– Како и секој пат кога станував татко, така и овој ден ми е еден од најсреќните во мојот живот. Сè помина во најдобар ред со мајката и бебето и одвај чекам да дојдат дома – рекол Борис Новковиќ за „Тпортал“.

Да потсетиме, кантавторот и манекенката во април 2019 година станаа родители на ќерката Си.

– Ирис и јас заедно избравме име. Корените се од хебрејски, па дури и во Кина постои името. Направивме изведенка од нашите имиња Ирис и Борис – го раскажал тогаш „процесот“ за избор на името.

Нивната љубовна приказна започна пред две години, а јавноста дозна за тоа кога се појавија заедно на загрепската премиера на документарниот филм „Огнени“. Познатиот пејач и неговата девојка накратко се разделија минатата година, но не се разведоа.

Иако не живееја на иста адреса, Борис и Ирис сепак останаа во добри односи, но кризата беше минлива бидејќи љубовта победи. И како круна на љубовта, пристигна малото момче чие име сè уште не е познато.

Музичарот од бракот со Луција Матиќ има два сина, десетгодишниот Ноа и седумгодишниот Боно.

ФОТО: Инстаграм