Бог му рекол да не се шиша 80 години, а сега има коса долга 5 метри (ВИДЕО)

Верувам дека ќе умрам ако ја скратам косата, истакнал 92-годишниот Нгуен Чиен од Виетнам, кој верува во религија која пропишува дека човекот не треба да менува ништо на себе од своето раѓање па сè до својата смрт.

Како што пренесува „Гардијан“, Чиен во моментов има коса долга 5 метри која не ја шишал, не ја миел и не ја чешлал цели 80 години.

– Косата ја одржувам со тоа што носам турбан на главата и на тој начин влакното е суво и чисто. Последен пат се шишав кога бев трето одделние, а од тогаш немам пресечено ниту милиметар од косата. На времето, мојата коса беше црна, густа и многу силна. Ја чешлав, но кога го слушнав гласот на Бог, веднаш знаев дека јас сум избраниот – рекол Чиен.

Во продолжение, погледнете го видеото: