БИТОЛЧАНКА ПОЧИНА НА СВЕТИ СТЕФАН ВО ЦРНА ГОРА Загубила свест додека пливала

Македонска државјанка, С.Г. (80) од Битолско почина на плажата Свети Стефан во Црна Гора откако ѝ се слошило во морето додека пливала.

Ова за црногорски Вијести го потврдиле од полицијата во Будва, кои спровеле истрага на лице место и за сè го известиле Вишото државно обвинителство.

Како што пренесуваат, туристката престојувала на плажата со своето семејство, а ѝ се слошило додека пливала во плиткото, во морето.

Екипата за итни случаи пристигнала на местото на настанот, но обидите за реанимација биле залудни.

Инаку, жената била долгогодишен срцев пациент.