БИТИЌИ КОНТРА ГРАДЕЖНИЦИТЕ И СИНДИКАТОТ Повеќе од 650 милиони евра одат за домашните бизниси од изградбата на коридорите 8 и 10Д

Вицепремиерот за економски прашања Фатмир Битиќи вели дека со изградбата на автопатиштата од коридорите 8 и 10д, домашните компании ќе инкасираат 650 милиони евра.

– Во договорот стои дека 51% мора да бидат домашни компании како изведувачи и кога договорот е 1,3 милијарди евра, тоа значи дека 650 милиони евра ќе завршат кај домашните компании – изјави Битиќи во емисија на радио „Канал 77“.

Тој додаде дека никаде експропријацијата на земјиштето не се вклучува во тендерската документација.

Битиќи рече дека Коридорот 8 е ставен во паневропските коридори, што значи дека за прв пат Европската Унија може да ни дава финансиски средства за изградба на патиштата за што може да аплицираме секоја година.