БИДЕТЕ СОВЕСНИ, ВОЗЕТЕ БЕЗБЕДНО ВО ЗИМСКИ УСЛОВИ! Совети за возење на снег
Бидете особено внимателни кога врне и кога е намалена видливоста на патиштата.
Возењето во услови на врнежи од снег и ниски температури има низа предизвици кои возачите треба да ги имаат предвид за да се сочува и нивната и безбедноста на другите учесници во сообраќајот. Бидете особено внимателни кога врне и кога е намалена видливоста на патиштата.
Републичкиот совет за безбедност во сообраќајот на патиштата советува:
• во возилото секогаш носете зимска опрема (ланци за снег, метла, чистач за мраз на ветробранско стакло и сл.),
• возилото секогаш да биде добро исчистено од снежните наноси (особено прозорците и ретровизорите),
• проверете го антифризот, притисокот на гумите, течноста за ветробранско стакло и сл.,
• користете зимски гуми,
• исчистете го снегот од вашите обувки за да се избегне лизгање при притискање на педалите од возилото,
• возете внимателно и со намалена брзина,
• одржувајте растојание од другите возила,
• избегнувајте нагло сопирање и нагли задвижувања на воланот.
