„БИ ТЕ ЗАДАВИЛА СО РАЦЕ, БАБО“ Потврдено обвинението против Северина поради заканите на директорка на клиника

Во Општинскиот кривичен суд во Загреб е потврдено обвинението на Општинското државно правобранителство против пејачката Северина Вучковиќ (50) за наметливо однесување. Според обвинението, пејачката предизвикала немир и вознемиреност кај Гордана Буљан Фландер, сега поранешна директорка на Поликлиниката за заштита на деца и млади во градот Загреб. На Северина и се заканува затворска казна до една година за кривичното дело наметливо однесување, пишува „24сата.хр“.

Обвинението е потврдено во Кривичниот суд во септември 2022 година по седницата на обвинителниот совет.

– Не би можела да одговорам на тоа бидејќи не ја застапувам во кривични предмети – изјавила адвокатката на Северина, Јасминка Билош.

Засега останува непознато кој ќе ја застапува пејачката во предметот што се води против неа во Кривичниот суд во Загреб, откако нејзиниот адвокат Мате Матиќ минатата година и ја откажа соработката по конфликтот со нејзината сестра Маријана Поповиќ.

Северина, како што напиша „Национал“ во октомври 2021 година, во деновите и неделите пред и по големиот пресврт што се случи кога Жупанискиот суд во Сплит на 30 август 2020 година и го врати старателството, односно дека детето половина од времето ќе го поминува со мајката, а половина со таткото Милан Поповиќ, а не како дотогаш – дека ќе живее со татко му, а дека мајка му може да го гледа само во одредени моменти, и праќала пораки на Љиљана Клингер, директорка на училиштето каде учело детето на Северина и Милан.

„Национал“ тогаш ја објави содржината на пораките на пејачката до директорката на училиштето, во кои меѓу другото, пишува:

– Би те задавила со раце, бабо. Ќе седиш и ќе трепериш кривонога, едвај чекам да те уапсат. Ти си багра.