Бензините поскапуваат за 3,5, а нафтата за 1,5 денари
Како причина за промена на малопродажните цени на нафтените деривати од РКЕ го посочуваат за околу 0,8 отсто повисокиот крурс на доларот во однос на денарот во изминатите седум дена и зголемувањето на референтните цени на бензинот во просек за околу 0,9 отсто.
Бензините од ноќеска на полноќ поскапуваат за 3,5 денари по литар, а цената на дизелот се зголемува за 1,5 денари, одлучи денеска Регулаторната комисија за енергетика (РКЕ).
Со одлука на РКЕ се врши зголемување на малопродажните цени на нафтените деривати за 3,12 отсто.
Новата малопродажна цена на бензините ЕУРОСУПЕР БС-95 ќе изнесува 52 денари по литар, а ЕУРОСУПЕР БС-98 ќе се продава за 54 денари. Малопродажната цена на ЕУРОДИЗЕЛ (Д-Е V), изнесува 46,50 денари по литар, а Екстра лесното масло за домаќинство (ЕЛ-1), ќе се продава по 34денари. Малопродажната цена на мазутот М-1 НС изнесува 19,123 денари по килограм.
Како причина за промена на малопродажните цени на нафтените деривати од РКЕ го посочуваат за околу 0,8 отсто повисокиот крурс на доларот во однос на денарот во изминатите седум дена и зголемувањето на референтните цени на бензинот во просек за околу 0,9 отсто.