Бензините поскапеа за еден денар, а дизелот за половина денар

Малопродажните цени на бензините „еуросупер БС-95“ и „еуросупер БС-98“ и на екстра лесното масло за домаќинство (ЕЛ-1) се зголемуваат за 1,00 денар за литар, додека малопродажната цена на дизелот се зголемува за 0,50 денар за литар, одлучи Регулаторната комисија за енергетика.

Бензинот од 98 октани од ноќеска на полноќ ќе се продава за 71,5 денари за литар, а бензинот од 95 октани за 69,5 денари. Новата цена на дизелот ќе изнесува 62 денари, колкава ќе биде и цената на литар масло за горење (екстралесно ЕЛ 1).

Мазут М-1 НС ќе чини  36,009 денари за килограм.

Според анализите на регулаторите, во изминатиот седумдневен период сите референтни цени на светските берзи во просек бележат зголемување: бензинот за 1,681%, дизелот за 1,934%, екстра лесното масло за 1,962% и кај мазутот зголемувањето е за 2,07%.

Во истиот период курсот на денарот во однос на доларот е повисок за 0,724 отсто.