БЕЛОРУСИЈА РАЗМИСЛУВА ДА РАСПОРЕДИ НУКЛЕАРКИ Ако НАТО ги постави во Полска, ќе ги ставиме и ние
Ја разгледуваме можноста за распоредување нуклеарно оружје на белоруска територија како еден од можните одговори на евентуалните идни дејствија на Северноатлантската алијанса на територијата на Полска, рекол Макеј.
Белорусија е подготвена да распореди нуклеарно оружје ако биде под закана од НАТО, изјави министерот за надворешни работи Владимир Макеј во интервју за арапскиот ТВ канал РТ, пренесува ТАСС.
– Она што го кажа претседателот Александар Лукашенко е дека ја разгледуваме можноста за распоредување нуклеарно оружје на белоруска територија како еден од можните одговори на евентуалните идни дејствија на Северноатлантската алијанса на територијата на Полска – рекол Макеј.
🇧🇾🇷🇺⚡️Belarus ready to house nuclear weapons in the event of a western threat – Lukashenko pic.twitter.com/UsNGgAdZNp
— Ukraine War Report (@UkrWarReport) February 17, 2022
Со ова Макеј мислел на претходна изјава на Александар Лукашенко, каде белорускиот шеф рече дека Минск ќе ѝ понуди на Москва да постави нуклеарно оружје на нејзина територија доколку НАТО постави нуклеарно оружје во Полска.