📽️ БЕЛАТА КУЌА ВОЈНАТА ВО ИРАН ЈА ПРИКАЖУВА КАКО ВИДЕОИГРА Сцени од филмови се испреплетуваат со снимки од нападите на цели во Иран
Едно видео испреплетуваше сцени од филмовите „Топ Ган“, „Ајрон Мен“ и „Храбро срце“ со слики од уништени ирански цели, завршувајќи со звучен ефект од играта „Мортал Комбат“: „Совршена победа“.
Владата на САД ги прикажува нападите врз Иран како видео игра, поканувајќи ја јавноста да ја гледа војната преку мемиња и монтажи што ја намалуваат човечката цена од конфликтот.
Ова е прв пат во историјата на американското војување вистинската борба да се спакува како содржина за социјалните мрежи, снимајќи вистински убиства во реално време и емитувајќи ги на милионска публика, пишува Axios.
Две недели по почетокот на операцијата „Епски бес“, голем дел од онлајн комуникацијата на Белата куќа беше пркосно провокативна.
UNDEFEATED. pic.twitter.com/Jt69bcag5y
— The White House (@WhiteHouse) March 12, 2026
Објавени се серија видеа кои комбинираат вистински снимки од ракетни напади со клипови од игри како што се „Call of Duty“ и „Wii Sports“ и холивудски блокбастери.
Едно видео испреплетуваше сцени од филмовите „Топ Ган“, „Ајрон Мен“ и „Храбро срце“ со слики од уништени ирански цели, завршувајќи со звучен ефект од играта „Мортал Комбат“: „Совршена победа“.
JUSTICE THE AMERICAN WAY. 🇺🇸🔥 pic.twitter.com/0502N6a3rL
— The White House (@WhiteHouse) March 6, 2026
-Традиционалните медиуми сакаат да се извиниме што го истакнуваме неверојатниот успех на вооружените сили на Соединетите Американски Држави, но Белата куќа ќе продолжи да прикажува бројни примери за уништување на балистичките ракети, производствените капацитети и соништата за нуклеарно оружје на Иран во реално време. Никој не им се потсмева на нашите војници – ние ја истакнуваме смртоносноста и успесите на нашата армија – изјави портпаролката на Белата куќа, Ана Кели, за Axios.
Видеата постигнаа точно она што Белата куќа го имаше за цел – тие проектираа сила, ја шокираа и ја зајакнаа сликата за Трамп како лидер кој силно удира и не одговара пред никого.
Touchdown pic.twitter.com/aDNdqBdRzG
— The White House (@WhiteHouse) March 6, 2026
Но, видеата предизвикаа и остри критики. Кардиналот од Чикаго, Блејс Купич, ја осуди гејмификацијата на војната како „длабок морален неуспех“ што „дехуманизира вистински лица“.
Видеата од Белата куќа се највидливиот израз на поширок феномен – земја која изгради цел екосистем околу консумирањето на војната како содржина.
Современите конфликти станаа пазари за обложување во живо, со повеќе од милијарда долари обложени на напади врз Иран и промена на режимот откако започна бомбардирањето.
За милиони Американци, војната во Иран постои во истиот фид како мемиња, содржина со вештачка интелигенција со низок квалитет и спортски клипови. Ова создава лажна блискост со вооружен конфликт што ниедна претходна генерација не ја доживеала.