БЕГАЈТЕ ОД БЕЛОРУСИЈА, ВЕДНАШ! Стејт Департментот ги предупреди американските граѓани за опасноста од војна
Не патувајте во Белорусија поради континуираната помош на белоруските власти за Русија во нејзиниот напад врз Украина, зголемувањето на руските воени сили во Белорусија, слабото спроведување на законот, потенцијалните граѓански немири, ризикот од затворање и ограничената помош за граѓани кои живеат или патуваат во Белорусија, се вели во предупредувањето на Стејт департментот.
Американската влада ги повика американските граѓани веднаш да ја напуштат Белорусија. Предупредувањето за патување беше издадено откако соседните земји Литванија, Латвија и Полска испратија зголемени воени сили долж границата поради загриженост за можни активности на платениците на „Вагнер“, пренесува Јутарни.
Стејт департментот ја одреди Белорусија како ниво на ризик 4, што е највисоко безбедносно предупредување.
Американците се загрижени за дочекот што долгогодишниот белоруски лидер Александар Лукашенко, во договор со рускиот претседател Владимир Путин, им го упати на членовите на платеничката единица на Вагнер, во нешто што изгледаше како краткотраен конфликт меѓу нивниот шеф Евгениј Пригожин и рускиот претседател Владимир Путин.
Самиот Лукашенко е под американски санкции за кршење на човековите права и политичка репресија по изборите во 2020 година, чија регуларност ја оспорува опозицијата.
„Не патувајте во Белорусија поради континуираната помош на белоруските власти за Русија во нејзиниот напад врз Украина, зголемувањето на руските воени сили во Белорусија, слабото спроведување на законот, потенцијалните граѓански немири, ризикот од затворање и ограничената помош за граѓани кои живеат или патуваат во Белорусија“, се вели во предупредувањето на Стејт департментот.
Литванија затвори два од своите шест гранични премини со Белорусија минатата недела. Стејт департментот известува дека полската, литванската и латвиската влада предупредија дека е можно дополнително затворање на граничните премини со Белорусија.
Полска има отворен само еден граничен премин со Белорусија, додека Латвија има два отворени премини. И Полска и Латвија го зголемија бројот на воени сили на нивните граници со Белорусија.