БЕГ НЕ ГИ КОРИСТЕЛ ТОПЛАНИТЕ БЕСПРАВНО Од Топлификација велат дека во „Адора“ знаеле дека тие се под долгорочен закуп

Неточна е изјавата дека БЕГ бесправно стопанисувал со топланите бидејќи БЕГ ги користеше согласно Договор за закуп со Топлификација, а согласно Закон за облигациони односи договорот го наследува новиот сопственик на топланите. Во моментот кога Адора ги купи топланите знаеше дека тие се под долгорочен закуп на БЕГ за вршење на јавната дејност, што беше наведено и во огласот за продажба, се наведува во денешната реакција на БЕГ.

Оттаму велат дека согласно истиот Договор за закуп БЕГ редовно исплаќал месечна закупнина во висина од 2,6 милиони денари, колку што одобрува РКЕ, меѓутоа Адора ја враќала бидејќи ценела дека е недоволно.

„Неточна е изјавата на г-дин Чифлиганец дека БЕГ наплатил 1,6 милиони евра кои никаде ги нема. БЕГ од граѓаните наплаќаше согласно одлуки на РКЕ. Сите собрани пари од граѓаните БЕГ ги насочи да ги покрие трошоците за набавка на природен гас и електрична енергија. За жал, овие трошоци беа многу повисоки од предвидените во тарифата за претходната грејна сезона и компанијата оствари големи загуби во првиот квартал и остана должна како на Адора, така и на други доверители. Согласно правилата на РКЕ, компанијата има право да ги побарува остварените загуби од идните тарифи одобрени од РКЕ, по што ќе бидат подмирени обврските кон Адора и останатите доверители“, се наведува во соопштението на БЕГ.