БЕЏЕТИ ЈА НЕГИРА СРЕДБАТА ЗА ВРАЌАЊЕ НА ГРУЕВСКИ Пратеникот не добил снимки, бара јавно извинување од медиумите
Никогаш не сум имал никакви информации или снимки кои би можел да ги проследам. Изложен сум на лажни обвиненија кои сами по себе претставуваат кривично дело“, нагласува Беџети.
Пратеникот на ДУИ и поранешен градоначалник на Сарај, Блерим Беџети денеска објави демант преку своите социјални мрежи, барајќи веднаш и без одлагање да се објави на сите телевизии, весници и интернет портали. Демантот се однесува на наводите во медиумите кои објавиле „ексклузивни детали“ за наводно неуспешната операција за враќање на Никола Груевски на средбата се одржала во претседателската сила на Водно лани во март меѓу претставници на тогашниот државен врв и на меѓународната заедница.
„Барам сите медиуми да ја објават мојата реакција со ист простор како што го имале тие за клеветничките наслови“, пишува Беџети, кој воедно бара и јавно извинување од сите вклучени телевизии и портали за нанесената штета.
Според неговата изјава, тој категорично тврди дека не примил никакви аудио или видео записи поврзани со наводните разговори за враќањето на Груевски. Беџети тврди дека не поседува ни какви информации за такви настани, и дека е изложен на лажни обвинувања.
„Никогаш не сум имал никакви информации или снимки кои би можел да ги проследам. Изложен сум на лажни обвиненија кои сами по себе претставуваат кривично дело“, нагласува тој.
Покрај тоа, Беџети правни мерки доколку не се повлечат наводите, како и доколку не се извинат за клеветите и навредите според Законот за граѓанска одговорност за клевета и навреда.
Тој додава дека, како политичар, е подготвен да биде под лупата на јавноста за својата работа, но категорично ќе се бори против невистините и клеветите кои му се припишуваат.
„Оваа непроверена вест ќе мора да се докажува на суд, но тоа е ноторна лага и клевета“, заклучува тој.