БАРСЕЛОНА УШТЕ ЕДНАШ ГО РЕШИ РЕАЛ МАДРИД Дали може да почне славењето титула?

Барселона речиси ја обезбеди титулата во шпанската Ла Лига откако го победи Реал Мадрид со 4-3 во „Ел Класико“. Екипата на Ханси Флик направи голем пресврт против својот голем ривал откако заостануваше со 0:2 во 14-тата минута.

Во петтата минута од судиското продолжение, Фермин Лопез го постигна петтиот гол за Барселона, но по прегледот се покажа дека играчот на Барселона ја удрил топката со рака и голот беше поништен.

Напаѓачот на гостите, Килијан Мбапе по денешниот „хет-трик“ го сруши рекордот на Реал Мадрид за најмногу голови постигнати од играч во дебитантска сезона, сега со 39, а претходното достигнување го држеше Иван Заморано, кој постигна 37 голови во сезоната 1992-93.

Така, Барселона веќе има седум бода предност пред Реал на три кола до крајот, а на тимот му треба само уште една победа или три нерешени резултати во преостанатите натпревари за да ја освои титулата.