Барса ќе се раздели со осум играчи
Клубот има намера да ги пушти своите играчи во други екипи – станува збор за продажба и за размена.
Шпанскиот фудбалски шампион Барселона е подготвен во летниот преоден рок да се раздели со осум играчи од сегашниот состав.
На крајот на сезоната, каталонскиот клуб има намера да го засили списокот и да земе од два до пет новодојденци на позиции во напад, среден ред и одбрана.
Можеби ќе ве интересира
Сепак, паузата во сезоната поврзана со пандемијата на коронавирус сериозно ќе влијае на финансиските можности на Каталонците во текот на летото, како и на спецификите на пазарот.
Затоа, Барса има намера да ги пушти своите играчи во други екипи – станува збор за продажба и за размена.
Од „Камп Ноу“ може да си заминат: Иван Ракитиќ, Артуро Видал, Самуел Умтити, Мартин Браитвајт, Филипе Кутињо, Јуниор Фирпо, Антоан Гризман и Нето.