БАРБИ ОЖИВЕА НА ФИЛМСКОТО ПЛАТНО Филмот за славната кукла од 20 јули и во нашите кина
Ако некогаш сте се запрашале како би изгледал преминот од светот на славната кукла Барби во реалниот свет, конечно ќе дознаете…На 20 јули во нашите кина ќе можеме да го видиме филмот за Барби и, секако, за Кен.
Барбара Милисент Робертс, попозната како куклата Барби, е создадена во 1959 година. Со неа пораснаа бројни генерации, а Барби со текот на годините ги менуваше улогите и професиите. Немаше ништо што Барби не можеше да постигне и така инспирираше (барем таа така мисли) милиони, веројатно милијарди жени. Но, Барби не е само кукла, таа е идеја која живее подолго од една кукла и нејзината мисија е да ја поттикне важноста на вербата во себе, женската моќ, промовирањето на животните вредности и што е најважно, различноста на секој поединец!
Барби досега имаше бројни анимирани филмови, но овој филмски хит за кој бруе целиот свет е нешто многу посебно. Маргот Роби и Рајан Гослинг се брилијантен пар, како и целата актерска екипа, која два часа ќе ве нурне во розов свет со неверојатни пресврти. Ако некогаш сте се запрашале како би изгледал преминот од светот на Барби во реалниот свет, конечно ќе дознаете…