БАЛКАНОТ СЕ ТРЕСЕ Регистрирани земјотреси во Србија, Хрватска и во Грција
По земјотресот во Србија со епицентар близу Ваљево, повторно послаб потрес на Балканот, овојпат во Хрватска.
Земјотрес со јачина од три степени според Рихтеровата скала е регистриран во текот на ноќта кај Вараждин во Хрватска.
Како што соопшти Сеизмолошката служба на Хрватска, ноќеска во 1 часот и 49 минути сеизмографите забележале слаб земјотрес со епицентар кај Вараждин.
Можеби ќе ве интересира
Неколку часа претходно земјотрес беше забележан кај Загреб, но и во Србија кај Ваљево.
Два земјотреси утрово се случиле во Грција, според информациите на Националниот институт за геофизика, геодезија и географија.
Во 03:18 часот земјотрес со јачина од 3,9 степени според Рихтеровата скала е регистриран на 30,5 километри северозападно од островот Лимнос.