БАЈДЕН И ЏОНСОН НАПРАВИЈА ПЕКОЛЕН ПЛАН Договорени тактики против Русија и Кина, подготвени да дејствуваат
Како што е прецизирано, Џонсон со нетрпение го очекува „Самитот за демократија“ на 9-10. декември, „што ќе помогне да се започне меѓународна акција“.
Премиерот на Обединетото Кралство Борис Џонсон и претседателот на САД Џо Бајден се согласија дека пристапот кон Русија и Кина треба да се базира на заедничките вредности што ги делат Лондон и Вашингтон, објави кабинетот на британскиот премиер.
– Премиерот и претседателот разговараа за бројни меѓународни теми, вклучувајќи ги Кина и Русија. Тие се согласија дека Велика Британија и САД ќе пристапат кон овие прашања, водени од нашите заеднички вредности – се наведува во соопштението.
Како што е прецизирано, Џонсон со нетрпение го очекува „Самитот за демократија“ на 9-10. декември, „што ќе помогне да се започне меѓународна акција“. Темите на самитот ќе бидат заштита од авторитаризам, борба против корупцијата, почитување на човековите права.
Во контекст на заедничките вредности, Џонсон и Бајден го споменаа ново партнерство на Австралија, САД и Велика Британија во сферата на безбедноста – АУКУС.
– Претседателот и премиерот се согласија дека партнерството АУКУС јасно ги отсликува заедничките вредности на Велика Британија и Америка и нивниот пристап кон светот. Тие ја истакнаа важноста на улогата што алијансата ќе ја игра во промовирањето на мирот и стабилноста во светот, користејќи ја компетентноста на Британците, Американците и Австралијците за решавање на идните предизвици – вели британската страна.
Да потсетиме, британскиот премиер Борис Џонсон, американскиот претседател Џозеф Бајден и австралискиот премиер Скот Морисон во заедничка изјава најавија формирање на ново партнерство АУКУС (Австралија-Велика Британија-САД) во областа на одбраната и безбедноста. Првата иницијатива во рамките на овој сојуз ќе биде производство на нуклеарни подморници за Австралиската морнарица.