БАЈДЕН ГИ ПОТКОПУВА ПЛАНОВИТЕ НА ТРАМП ЗА УКРАИНА Песков вели дека САД прават сè за војната да продолжи

Портпаролот на Кремљ, Дмитриј Песков ја обвини администрацијата на американскиот претседател во заминување Џо Бајден дека ги поткопува плановите на новоизбраниот претседател Доналд Трамп за решавање на конфликтот во Украина.

– За време на изборната кампања Трамп изјави дека има намера да обезбеди мир и да ги води сите на патот кон мирот. И сега се обидуваат да ја ескалираат ситуацијата до тој степен што овие мировни напори се осудени на неуспех – изјави Песков.

Тој потенцираше дека администрацијата на Бајден покажала дека ќе направи сè за да се осигури дека оваа војна нема да заврши.

Трамп, кој ќе ја преземе функцијата на 20 јануари, за време на предизборната кампања изјави дека ќе работи на брзо завршување на руската војна со Украина, но сè уште презентирал конкретни планови.

Бајден минатата недела ѝ дозволи на Украина да користи американски ракети АТАКМС со долг дострел против цели во Русија.

Украина го нападна рускиот регион Брјанск со ракети АТАКМС и регионот Курск со британски ракети „Сторм Шадоу“ со долг дострел.

Москва одговори со напад врз источниот украински град Дњепропетровск со новата хиперсонична балистичка ракета „Орешник“ со среден дострел.

Шефот на украинската дипломатија Андриј Сибиха ги повика партнерите на Украина да ѝ достават системи за противвоздушна опрема кои ќе можат да пресретнат ракети од типот на „Орешник“.