📽️ АВТОБУС СО ПАТНИЦИ ПОТОНА ВО РЕКА Најмалку 24 загинати во хорор несреќа при качување на ферибот

Најмалку 24 лица загинаа кога патнички автобус со околу 40 патници излета во реката Падма при обид да се качи на ферибот во Бангладеш, соопштија локалните власти.

Несреќата се случила во местото Даулатдија во округот Раџбари, на околу 100 километри од главниот град Дака. Според првичните информации, автобусот изгубил контрола додека се приближувал кон фериботот, се превртел и потонал на длабочина од околу девет метри.

Спасувачките екипи извлекле 22 тела од потопеното возило, меѓу кои шест мажи, 11 жени и пет деца. Подоцна починале и две жени кои биле извлечени живи, со што бројот на жртви се искачи на 24.

Во спасувачката акција учествувале четири противпожарни бригади и десет нуркачи, со поддршка од армијата, полицијата, крајбрежната стража и локалните власти. Потрагата продолжува бидејќи се стравува дека има и исчезнати патници.

Властите посочуваат дека вакви трагедии се чести во земјата, каде секоја година стотици луѓе гинат во сообраќајни и фериботски несреќи.

🚨 BREAKING: Passenger bus falls into Padma River in Rajbari, Bangladesh.

Multiple people feared trapped; rescue operations underway.

#Bangladesh #StaseraTuttoèPossibile#EsMiSueño#msü2026pic.twitter.com/ER5uoL4ZEE

— Global Affairs 24 (@GlobalAffair24) March 26, 2026