Австрија го претстави првото куче кое умее да надушка ковид-19

Австриската војска го претстави првото воено куче кое е издресирано да го открие коронавирусот со мирисање на заштитната маска на заразениот, соопштило Министерството за одбрана на Австрија.

Во соопштението се наведува дека белгискиот овчар по име Фантази Форевр (Fantasy Forever vom Seetalblick) учествува во програма која би требало да открие дали кучињата можат да разликуваат здрави од заразени луѓе.

Привремениот извештај за програмата потврдил дека кучето навистина може да препознае маски на заразени лица, пренесува „TASS“.

„Првата фаза на проверка на кучето преминува во практична фаза“, наведено е во соопштението.

Второто куче моментално ја завршува првата фаза, додека уште две кучиња ќе ја научат оваа вештина до крајот на годината.