АВГАНИСТАНЦИТЕ МИНАЛЕ БЕЗБЕДНОСНИ ПРОВЕРКИ Изработени се посебни протоколи за престој на бегалците
Надлежните министри и претставниците на институциите информираа за досегашните активности за згрижувањето на прифатените лица од Авганистан, за кои се направени сите неопходни безбедносни проверки и за кои се изработени безбедносните протоколи за нивен престој во државата, наведено е во соопштението од претседателот Стево Пендаровски.
Институциите во земјава ги направиле сите неопходни безбедносни проверки во врска со лицата од Авганистан кои се згрижени и за кои се изработени безбедносните протоколи за нивен престој во државата.
Ова е едниот заклучок од денешната седница на Советот за безбедност.
„Присутните констатираа дека Република Северна Македонија, како членка на НАТО, покажа подготвеност и ги понуди своите капацитети за прифаќање на лицата од Авганистан. Надлежните министри и претставниците на институциите информираа за досегашните активности за згрижувањето на прифатените лица од Авганистан, за кои се направени сите неопходни безбедносни проверки и за кои се изработени безбедносните протоколи за нивен престој во државата“, наведено е во соопштението.
Во однос на втората точка, Советот за безбедност ѝ предложи на Владата, во најкус можен рок да се формира работна група, која ќе ја согледа состојбата со системот за управување со кризи.
„Имајќи ги предвид неодамнешните состојби со пожарите, работната група треба да предложи конкретни мерки со цел системот за управување со кризи да биде пофункционален и поефикасен“, се вели во соопштението по средбата.