Атиџе испеа дует со Турунџиева (ВИДЕО)
Телевизиската водителка Сузана Турунџиева на социјалната мрежа Инстаграм се пофали дека ја посетила хероината од филмот „Медена земја“, Атиџе Муратова, во нејзиниот дом.
Таа вели дека годината ѝ тргнала лошо, но дека средбата со Атиџе била најдоброто нешто што ѝ се случило во изминатиов период.
„Не престанавме 2020 година да ја нарекуваме лоша, никаква, негативна, промашена година… Е па за мене 2020 е годината која (иако ми тргна лошо) ќе ја паметам по многу добри нешта, а најдоброто од сè е пријателството со Атиџе – жената која ја испрати најсилната порака во светот и хероина, која во целост ја промени мојата „диоптрија” на животот. Има малку моменти и ситуации за кои ми недостигаат зборови да се искажам… ова е еден од тие… Ќе оставам сликите и видеата да ви раскажат… Му благодарам на животот што ми даде прилика да ја посетам, да пиеме кафе, да се гушкаме, да пееме и да се смееме. Фала ти животе“, напиша Сузана.