Арсовски: Заев сака да го легализира тоа за што го уапси Чипсио
Ова што Заев сака да го направи е претворање на кланот Заев во нарко картел Заев од кој тој и неговите блиски луѓе енормно ќе се богатат на сметка на државата и граѓаните. Тоа нема да го дозволиме, порача Арсовски.
Зоран Заев ја приватизираше Владата, следно ќе го приватизира и Собранието, а крајната цел е приватизација на Република Македонија, предупреди денеска портпаролот на ВМРО-ДПМНЕ, Димче Арсовски.
– Законот за марихуана којшто Зоран Заев на сила го турка како предлог од Владата кој сака да биде изгласан во Собранието има за крајна цел да го легализира бизнисот со марихуана на Заеви. Овој закон не е ништо друго туку личен закон за бизнисите на Заев што ќе му овозможи лично богатење нему и неговата фамилија. Патем тоа го прави со нова злоупотреба на европското знаменце, иако нема унифицирана европска регулатива за ова. Со овој закон Заев сака да овозможи освен за масло од канабис за медицински цели, да се легализира и трговијата со сув цвет од марихуана, односно она за што беше уапсен началникот на прилепската полиција Чипсио пред неколку месеци, да стане нормално и секојдневие кое на фирмите на Заеви ќе им носи годишно милиони евра, чист приход и заработка – рече Арсовски.
Тој нагласи дека токму Заеви држат огромен дел од производството на марихуана во акедонија, преку МАМ Свети Николе и Фарма Медикал Валандово, кои официјално се во нивна соспственост и други компании кои ги водат нивни блиски луѓе.
– Ова што Заев сака да го направи е претворање на кланот Заев во нарко картел Заев од кој тој и неговите блиски луѓе енормно ќе се богатат на сметка на државата и граѓаните. Тоа нема да го дозволиме! Нарко картелот Заеви на едната страна, сиромашниот народ на другата страна. Ова е новата поделба која ја прави Зоран Заев – рече Арсовски и додаде дека концептот „Македонија за сите луѓе“ ќе ги порази овие поделби и Заев ќе одгововара за злоупотребата на власта.