Арсовска: Има потенцијал за инвестиции и развој на туризмот со Хрватска

Економската соработка со Хрватска има потенцијал за удвојување на трговската размена, при што отворени се можности за инвестиции од областа на индустриското производство, како и можности за развој на туризмот меѓу двете земји, изјави претседателката на Сојузот на стопански комори – ССК, Данела Арсовска на заедничката прес-конференција со претседателот Стево Пендаровски во Загреб..

ССК е дел од официјалната делегација на претседателот Стево Пендаровски што престојува во посета на Хрватска. Во рамките на посетата Арсовска учествуваше на работна средба со премиерот на Хрватска, Андреј Пленковиќ, и претседателот Зоран Милановиќ.

Во рамки на дводневната посета претставниците на Сојузот на стопански комори учествуваат на билатерален деловен форум на високо ниво со претставници на Стопанската комора на Хрватска, а под покровителство на Претседателот Стево Пендаровски.