АРСОВСКА ИМ ПОРАЧА НА СКОПЈАНИ Се надевам дека ќе донесеме убава промена за градот Скопје
Една убава промена за она кое што сметаме дека Скопје ќе биде град на среќни луѓе, изјави Арсовска.
Денеска своето право на глас на локалните избори го оствари и независната кандидатка за градоначалник на Скопје Данела Арсовска на гласачкото место во општина Ѓорче Петров.
– Заедно со семејството гласавме на локалните избори и се надевам дека ќе донесеме убава промена за градот Скопје и една убава промена за она кое што сметаме дека Скопје ќе биде град на среќни луѓе – изјави Арсовска по гласањето.
Таа упати порака до граѓаните да го искористат правото на глас.
– Би сакала во оваа прилика да им се заблагодарам на сите скопјани кои ме поддржаа и би сакала да ги охрабрам денеска да го искористат своето право да го одберат оној човек за кој сметаат дека најдобро ќе придонесе во следните години Скопје да биде поубаво место за живеење – истакна Арсовска.