Јапонија си ги враќа своите фабрики од Кина

Властите во Јапонија одлучија да им помогнат на јапонските компании во Кина да го префрлат своето производство и да се вратат во својата земја, бидејќи, како што соопштиле, пандемијата со коронавирусот значително го нарушила ланецот на снабдување помеѓу овие две држави.

Според најавите, целата оваа операција за повлекување на компаниите од една земја во друга ќе ја чини Јапонија околу 2.2 милијарди евра.

Како што веќе објави „Bloomberg“, ова се случува како резултат на кризата, односно поради тоа што во февруари годинава увозот на производи од Кина во Јапонија беше скоро преполовен, бидејќи пандемијата таму затворија голем број фабрики, меѓу кои и јапонски.