АПЛАУЗ И ПУКАЊЕ ОД ПИШТОЛ НА СОБИР НА ДУИ Меџити бурно поздравен од присутните (ВИДЕО)

Овации, аплауз и пукање го одбележа отворањето на изборниот штаб на ДУИ во Чаир. При отворањето на штабот за локалните избори пред присутните се обратиле првиот вицепремиер Артан Груби, актуелниот градоначалник и кандидат за втор мандат во Чаир Висар Ганиу и пратеникот, потпретседател на ДУИ и ексградоначалник на општината, Изет Меџити.

Како што може да се види од видеото, симпатизерите кои присуствувале на отворањето на изборниот штаб бурно го поздравуваат Меџити, ракоплескаат, го извикуваат неговото име и на крај го поздравуваат со рафална стрелба.

Не е првпат на изборни собири или при изборни прослави на ДУИ да се употребува огнено оружје. Впечатливо е дека пукањето од пиштол не им пречи на присутните на настанот, напротив тоа беше поздравено.