Јанушев од протестот: Надзорна расправа во Собранието за работата на Регулаторна и нејзина оставка

Генералниот секретар на ВМРО-ДПМНЕ Игор Јанушев од протестот на партијата против поскапувањето на струјата од пред зградата на Регулаторната комисија за енергетика, најави дека ќе побараат надзорна расправа во Собранието за поскапувањето на струјата и оставка од Регулаторната комисија.

Тој повтори дека поскапувањето на струјата ќе ги осиромаши граѓаните и дека Регулаторна не е како што вели, никакво експертско тело туку продолжена рака на Зоран Заев.

– Регулаторната комисија е обична маша во рацете на Заев. ВМРО-ДПМНЕ ќе побара надзорна расправа за поскапувањето на струјата во Собранието за да се разгледа начинот на работата на Регулаторната комисија. ВМРО-ДПМНЕ ќе побара оставка на Регулаторна комисија – изјави Јанушев.

Пред изјавата Јанушев залепи транспарент на зградата на Регулаторната комисија на кој пишуваше „Оставка“.

Третиот протест против поскапувањето на струјата ВМРО-ДПМНЕ го оддржа со автомобили кои во три колони се движеа од салата „Борис Трајковски“ преку булеваротб Партизански одреди до седиштето на Регулаторната комисија.