Јанушев до Зекири: Први сме во регионот по смртни случаи, а роковите за изборите ги вадите од ракав

Роковите за изборите СДСМ ги вади од ракав, не може да има избори спpoтивно на закон и на грбот на граѓаните на здравјето и животот, изјави генералниот секретар на ВМРО-ДПМНЕ, Игор Јанушев, вечерва на ТВ 24 каде дебатира со Мухамед Зекир од СДСМ.

Во отвореното студио на 24 анализа Јанушев и  Мухамед Зекири дебатираа за датумот за изборите. Јанушев смета дека СДСМ на изборите ќе доживее дебакл, додека Зекири е сигурен во победата.

– Ние предложивме датум и се спремни на отстапки и не менуваме ставови, за разлика од Заев. Денес имаме 38 заразени, а СДСМ ги укина мерките и ги отвори кафаните, а тезите на Филипче дека ја победивме короната излегоа неточни,  бројката на заболени се зголемува – рече Јанушев.

Тој смета дека доколку СДСМ сака избори без оглед на се, јавно нека каже.

– Први сме во регионот по бројот на смртни случаи. Имаме најмалку направени тестови во целиот регион, само Албанија и Бугарија имаат толку малку .Зекири се повикува на законите, но уредбата којашто е донесена од оваа влада иако ние укажавме дека оваа уредба не треба да се носи поради тоа што ќе донесе повеќе комликации, но вие не не послушавте, и тоа сега се докажува – вели Јанушев во реплика кон Зекири.

Јанушев објасни дека од СДСМ велат дека се замрзнати роковите, но тие не се замрзнати – во член 3 од Уредбата е наведено дека со денот на стапување во сила на оваа уредба се прекинуваат изборните дејствија,.

– Значи дејствија и рок се различни работи, и меѓу другото во истата е наведено дека ДИК е задолжена во рок од еден ден по престанокот на вонредната состојба да објави на нејзината страница Роковник за продолжување на изборните дејствија – рече Јанушев.

Зекири реплицираше дека никој не прогласил завршена борба против вирусот и дека се водат по тоа што го кажуваат епидемиолозите и стручните лица. Тој потенцираше дека поголемиот број на заразени се должи на неказнувањето на министерот за внатрешни работи Наќе Чулев.

– Чулев свесно играше на оваа карта на неказнување и луѓето да се заразуваат, за да вие бегате од избори. Друга институција која казнува освен МВР, нема. Најдобро справување со кризата го прават институциите. Ова Чулев ова го толерираше по ваше барање – рече Зекири.

– Ова казнување и стапот по народот, не сте свесни колку ќе ви се врати. Граѓаните не се виновни зошто има неспособна владата. Исплашени сте и ставени во тесно – одговори Јанушев.

Според Јанушев не може Државната изборна комисија да прави роковник кога нема определен датум за избори, единствен кој има право да определи датум за избори е претседателот на Собранието, затоа што во Изборниот законик истото е дефинирано.

– Во однос на тоа кој колку е спремен за избори, вие само слободно продолжете со поткупот, продолжете со брашно и зејтин ќе ве порaзиме така силно што нема да знаете каде да се свртите. Избори спротивно на законот и на грбот на граѓаните на здравјето и животот не е опција – вели  Јанушев.