Антиваксери во Полска започнаа со напади врз центрите за вакцинација против ковид-19

Двајца противници на вакцинацијата против ковид-19 беа уапсени во Гроџиск Мазовиецки, Полска, кога се обидоа насилно да влезат во центарот за вакцинација со група демонстранти.

Две лица се полесно повредени во борбата со персоналот и обезбедувањето во центарот во неделата, објави полската полиција.

– Добивме повик за група на луѓе кои се обидуваат да влезат во зградата на центарот за вакцинација. Имаше тепачка помеѓу персоналот на центарот и тие луѓе. Повикавме брза помош за две лица со полесни повреди. Група демонстранти се распрсна, но уапсивме двајца – рече за порталот за информации „Onet.pl“, портпаролот на локалната полиција, Катачина Зих.

Демонстрациите пред центарот за вакцинација беа организирани од група на полските „жолти кошули“, кои можат да се пофалат дека се борат за слобода за сите, но најмногу за организација на настани против вакцинација, како што се излети против вакцините.

– Слобода на знамињата, уста полна со клетви и тупаници против друг човек. Така изгледа движењето против вакцинација денес? Нема со кого да разговара за тоа. Треба да се осуди. Ви благодариме на полицијата за интервенцијата –  објави на Твитер полскиот министер за здравство Адам Нјежелски.

На крајот на минатата недела, министерот Нјежелски предупреди дека делтата мутација во Полска полека доминира над другите и дека Полска може да го очекува четвртиот бран на пандемијата со ковид-19 веќе на крајот на летото, во втората половина на август.

Најлошото сценарио повторно зборува за 10.000 до 15.000 новизаразени на ден, а полската влада апелира секојдневно до Полјаците да се вакцинираат што е можно побрзо, со можност вакцинацијата да биде задолжителна.

– Кога луѓето не можат да бидат убедени со рационални аргументи и лотаријата со многу интересни награди не ги донесе очекуваните резултати, тогаш државата мора да прибегне кон други средства. Ако Полјаците не сакаат да се вакцинираат, тогаш треба да бидат принудени да го сторат тоа – рече минатиот месец вицепремиерот Јарослав Качински.

Според последната анкета за порталот „VirtualnaPolska“, тесното мнозинство од 53,7 проценти од Полјаците сметаат дека оние кои ја одбиваат вакцината без причина треба да бидат казнети со некои ограничувања, но помалку од мнозинството, 40 проценти сметаат дека невакцинираните лица треба да бидат забранети од влегување во ресторани и кафулиња, сметаат дека ваквите забрани не треба да се воведуваат за влез во трговски центри.

Две третини од Полјаците во таа анкета се против фактот дека само вакцинирани лица можат да патуваат со воз, додека 30 проценти од Полјаците би поддржале ваква забрана.

Во Полска, 44,6 проценти од населението досега биле вакцинирани со двете дози или со една вакцина против ковид-19.