Ангеловска: Секторите угостителство, туризам и транспорт ќе можат да ги комбинираат мерките

Најпогодените компании од угостителството туризмот и транспортот ќе можат да земат вкупна финансиска помош од 19.500 денари по вработен, појасни денеска министерката за финансии, Нина Ангеловска по средбата со претставници на овие сектори на која, како што рече се разјаснети дилемите произлезени од вчерашната Уредба за помош на погодените претпријатија од коронакризата.

Таа ги појасни трите промени кои се направени со последната Уредба.

– Најпогодените сектори можат да добијат дополнителна поддршна на страна од 14. 500 денари од уредбата за финансиска поддршка. Тоа значи дека сите компании од овие сектори угостителство ,туризам и транспорт кои работели во позитива последните три години, кои не се должници на УЈП за даноци или немаат кредити од 90 дена кои не ги платиле на денот на достасаноста на обврската, имаат право истовремено да ги користат мерките за надомест на плата во висина од 14.500 денари по вработен и 50% субвенционирање на придонесите, во висина до просечна плата објавена за 2019 годин – рече Ангеловска.

Втората промена, додаде Ангеловска,  е за заштита на вработените. Финансиска поддршка нема да добијат компаниите кои зависно од големината отпиштиле над 5 , 10 или 15 отсто од вработените.

– Се земаат во предвид сите вработени кои ги има компанијата, на определено, неопределени, сезонски работници. компанијата може да аплицира ако ги задржила сите други вработени, ако дел од вработените сами ја напуштиле работата – рече Ангеловска.

Тертата промена е во однос на враќањето на парите.

– Компаниите кои нема да прикажат добивка односно работел со загуба во 2020 година нема да вратат ништо. Компаниите кои оствариле добивка враќаат максимум до 50 отсто од добивката пред оданочување и тоа на три рати следната година. Здравите компании кои ги вложиле парите во подобрување на процесот на работа, можат да ја претворат помошта во грант и да не ја вратат сумата што ја добиле –  рече Ангеловска.

Мартин Ангеловски од Групацијата на угостители во Туристичко угостителската комора при ССК, изјави дека на состсанокот се дискутирало за сите нови мерки, но не и за она што го бара секторот. Тој рече дека е потребна поголема соработка при подготовка на мерките.

– Дел од нашите предлози беа и јавно изнесени, би ги издвоил минимална бруто плата за вработените, можност за субвенција на закупнини во висина од 50 отсто од склучените договори, времено одложување на обврските за режиски трошоци и даночни одложувања. По однос на овие наши доставени барања, до денес сѐ уште нема официјален одговор – рече Ангеловски.

Тој побара да бидат вклучени угостителите кога ќесе носта мерките за започнување на работа на угостителските објекти.

Министерот за економија Крешник Бектеши најави дека како влада ќе продолжат да бидат флексибилни и да го слушаат гласот на бизнис секторот при креирањето на мерките со цел да им се овозможи на компаниите полесно да го пребродат кризниот период.

– Ги следиме сите случувања во секторот туризмот имајќи предвид дека тој е еден од најважните сектори  во однос на девизниот прилив и директниот ефект кој го има врз економијата. Претходните години имавме одлични резултати во овој сектор и должни сме со сите засегнати страни да работиме што полесно да ја пребродат оваа кризна состојба – изјави Бектеши.

Хотелиерите и угостителите се надеваат дека наскоро ќе започнат со работа со цел да ги покријат основните трошоци.

– За жал, не може да предвидиме кога ќе се отворат хотелите, но се надеваме дека тоа ќе биде набрзо. Ќе се навикнеме на еден нов живот и на нови мерки кои очекуваме наскоро да бидат донесени. Се надеваме дека ќе имаме малку поинаква сезона во која ќе можеме да испливаме и да изработиме нови планови за 2021 година – рече Крсте Блажевски од ХОТАМ.