Ангелов и реисот Шаќир Фетаи го осудија скандирањето „УЧК, УЧК“ и повиците „Голема Албанија“

Продолжување на процесот на помирување меѓу дел од Македонците и дел од Албанците во Македонија, заедничка осуда на скандирањето „УЧК-УЧК“ и „Голема Албанија“, било констатирано на денешната средба меѓу  в.д.директорот на ЦУК Сојанче Ангелов и заменик директорот Екрем Зендели со претседателот на Исламската верска заедница реисул Улема Х. Хфз. Шаќир еф. Фетаи, во Скопје.

Аангелов изразил задоволство од воспоставената директна комуникација и големото заедничко разбирање и настојувања за продуктивна и мирна иднина на државата што е во корелација и со целокупниот Државен врв, нагласуваќи неколку важни работи коишто, како и што се согласија тројцата соговорници, се во полза на сите граѓани и како активности не треба да сопрат, се вели во соопштението.

– Продолжување на процесот на помирување меѓу дел од Македонците и дел од Албанците во Македонија. Искоренување на меѓуетничкото насилство кај младите, за во секојдневието на улица, да не наседнуваат на меѓуетничките повици на омраза коишто се зло за сите граѓани во државата. Заедничкото осудување на радикаизмот и национализмот, како на пример, неодамнешното скандирање „УЧК-УЧК“ и „Голема Албанија“ на каков било митинг, протест или настан, бидејќи тоа директно го дефокусира вниманието од целта на настан, протестирање и ја подгрева меѓуетничката нетрпериливост и омраза, а секако и работење постојано на процена на ризиците по безбедноста што се и дел од работата на ЦУК, во соработка со сите релевантни чинители во општеството и во Системот за управување со кризи – вели Ангелов.

Реисот изразил задоволство од добрата соработка што ја имале со сите официјални претставници на државата, а сега и со Центарот за управување со кризи. Тој посочил дека секој радикализам е штетен и за верата и за државата и дека треба со зеднички напори да се настојува за мир и соживот, а особено да се реализираат и активности во правец да не се дава легитимитет на радикални групации. Тој посочил дека: „Добриот човек е добар човек, без разлика на неговата вера и нација“.