Андреа Бочели ќе одржи концерт на Велигден, но во празната катедрала Дуомо

Славниот италијански тенор Андреа Бочели ќе одржи концерт на Велигден во празната катедрала „Дуомо“ во Милано. Манифестацијата ќе се емитува во живо, а ќе ја претставува нејзината симболична порака на љубовта, надежта и поддршката за лекување на оние кои страдаат од коронарен вирус.

Само со оргули на катедралата, Бочели ќе го придружува Емануел Вианели, а заедно тие ќе изведат некои познати дела, како што е „Санта Марија“ на Пиетро Масканија, пренесува „Ројтерс“.

Концертот ќе се емитува преку каналот Јутјуб на Бочели.

– Почестен сум и среќен сум што можам да кажам „да“ на поканата на градот Милано и катедралата „Дуомо“. Верувам во моќта на заедничката молитва, верувам во христијанскиот Велигден, универзалниот симбол на повторното раѓање, на кој сите им треба токму сега, без разлика дали се верници или не – рекол Бочели.

Тој додал и дека преносот во живо ќе обедини милиони луѓе низ светот.

Градоначалникот на Милано, Џузепе Сала, истакнал дека Велигден оваа година ќе биде поинаков за сите, и дека посебниот глас на Бочели ќе биде „прегратка која на сите ни недостасува деновиве, и која може да го загрее срцето на Милано, Италија и светот“.