Анџелина Џоли продава неверојатен подарок од Бред Пит, може да заработи 3,4 милиони долари

Актерката Анџелина Џоли ја продава единствената слика насликана од британскиот воен премиер Винстон Черчил за време на Втората светска војна и се очекува уметничкото дело на аукција да достигне цена од 3,4 милиони долари, објави Си-ен-ен.

Черчил ја наслика „Кулата на џамијата Кутубија“ во Маракеш, Мароко откако присуствувал на конференција во Казабланка во јануари 1943 година и му ја подарил на американскиот претседател Френклин Д. Рузвелт.

Актерот Бред Пит ја купил сликата во 2011 година од трговец со уметнички дела за Џоли. Двојката се разведе во 2016 година по две години брак и нивниот развод сè уште не е завршен.

Черчил го насликал делото веднаш по воениот самит на кој се договорил со Рузвелт за следните фази на заедничката стратегија против нацистичка Германија.

Проценетата вредност на сликата се движи од два до 3,4 милиони американски долари.

„Тоа е единственото дело што го насликал Черчил за време на војната, можеби охрабрен од напредокот на сојузниците, во земја што ја сметаше за една од најубавите што ја видел“, рекол Ник Орчард, водач на одделот за модерна британска уметност во аукциската куќа „Кристи“

„Кристи“ објави дека на платното се продава семејната колекција Џоли.

Дилерот на уметност Бил Рау, од кого Пит ја купил сликата, изјавил дека таа е подарена на синот на претседателот Рузвелт, кој ја продал во 1960 година.