🎥 АНЏЕЛИНА ЏОЛИ ПАКУВАШЕ ХУМАНИТАРНИ ПАКЕТИ ВО РАФА Актерката направи увид во работата на Црвената полумесечина

Американската актерка Анџелина Џоли ја посети египетската страна од граничниот премин Рафа кон Појасот Газа.

Џоли го посети египетското Здружение на Црвената полумесечина за да добие увид во хуманитарните напори кон блокираниот крајбрежен појас, соопштија денеска извори од организацијата.

Регионалниот гувернер ја прими Џоли и ја придружуваше за време на нејзината посета на преминот. Арапските медиуми објавија дека присутен е и претставник на американскиот Стејт департмент.

Џоли, потоа со симболичен гест помогна во пакувањето хуманитарни материјали за Газа и ја изрази својата благодарност за напорите на Египет. Таа, исто така, ја пофали клучната улога што ја играат волонтерите и персоналот во ефикасната дистрибуција на хуманитарни материјали и покрај бројните предизвици.

Вечерва таа треба да се појави во блиската болница Ал-Ариш, каде, според египетски извори, планира да се сретне со повредените Палестинци од Појасот Газа.

Џоли пред повеќе години беше специјален пратеник на агенцијата за бегалци на ОН -УНХЦР, а и денес продолжува да посетува воени и кризни региони низ целиот свет за да го привлече вниманието кон страдањето на цивилите.

🇪🇬 🇵🇸 Angelina Jolie visits Egyptian side of Rafah crossing to Gaza

Hollywood star Angelina Jolie has visited the Egyptian side of the Rafah crossing into Gaza, where she spoke with members of the Red Crescent and truck drivers ferrying humanitarian aid, AFP journalists said.… pic.twitter.com/e2TEyWwBnF

— AFP News Agency (@AFP) January 2, 2026

Рафа е единствениот граничен премин во Појасот Газа што не води директно до Израел. Преминот беше затворен за време на војната во Газа. Хуманитарните организации веќе долго време бараат преминот да биде отворен.