АНЏЕЛИНА ЏОЛИ ГИ ВООДУШЕВИ СТУДЕНТИТЕ Ја посети ќерка си Захара и позираше со нејзините колеги (ФОТО)

Анџелина Џоли го разубави викендот во колеџот Спелман додека се шетала низ кампусот со ќерката Захара Џоли-Пит. На изненадување и воодушевување на останатите студенти, Џоли била подготвена да се фотографира и да прави селфи, па нејзините фанови радосно ја искористиле можноста.

Среќните студенти објавија свои фотографии на социјалните мрежи изразувајќи го своето изненадување од нејзиното доаѓање. Еден студент успеал да направи спонтано селфи со актерката, а фотографијата собрала 153.000 лајкови и повеќе од 7.000 споделувања на Твитер.

“Look I know you’re tryna be inconspicuous, so when we take this selfie just look down instead of me holding the camera up. Cool?”

Angelina Jolie: “Great plan!” pic.twitter.com/ZUFcpHsCI1

— JB1 (@BlackrThaBerry) October 23, 2022

Џоли била облечена од глава до пети во црна облека, но околу половината врзала кафеаво палто. Лицето донекаде го сокрила со очила за сонце кои имаат светло жолто стакло, па нејзините очи не се целосно скриени.

Во позирањето ѝ се придружила и нејзината ќерка Захара, која ја посвои од Етиопија со Бред Пит. Облечена во фармерки и бела кратка блуза, Захара веќе е навикната на публицитетот што го има нејзиното светски познато семејство.

#spelhousehomecoming was a blast, topped off by a cool moment meeting #AngelinaJolie on campus with our daughters! pic.twitter.com/kXIcgvKsRB

— Lydia Sermons (@LGSermons) October 24, 2022

Колеџот на кој посетува Захара е глобално признат како место за образование за жени со африканско потекло. Ги поддржува слободните уметности и науки и ги поттикнува студентите да се развиваат креативно и етички. Студентите на овој престижен колеџ се зајакнуваат да станат лидери во својата област, а особено интересен е фактот што првата Афроамериканка која докторирала по математички науки била студентка на овој колеџ.

ФОТО: Твитер/Инстаграм