„АМЕРИКАНЦИТЕ НЕ ТРЕБА ДА ПОСРЕДУВААТ ВО ПРЕГОВОРИТЕ“ Израелскиот министер Бен Гвир повика на трајна окупација на Појасот Газа
Во објава на мрежата Икс, израелскиот министер за национална безбедност, Итамар Бен-Гвир, го изрази своето противење на американското посредување во преговорите меѓу Израел и палестинската милитантна група Хамас и наведе дека Хамас „мора да биде уништен, до целосно предавање“.
Израелскиот министер за национална безбедност, Итамар Бен-Гвир, повика на трајна окупација на Појасот Газа.
Можеби ќе ве интересира
Во објава на мрежата Икс, тој го изрази своето противење на американското посредување во преговорите меѓу Израел и палестинската милитантна група Хамас и наведе дека Хамас „мора да биде уништен, до целосно предавање“, пренесува Ал Џезира.
Според него, трансферот на сета хуманитарна помош и гориво треба да биде прекинат додека не се ослободат сите заложници што ги држи Хамас, а израелските власти треба „да ги охрабрат населувањето и окупацијата на територијата на Појасот Газа за да ги задржи Израел трајно“.