АМБЕР ХЕРД ПОВТОРНО НА СТОЛБОТ НА СРАМОТ Познатиот новинар ѝ порача да не глуми жртва (ФОТО)

Во текот на ексклузивно интервју за „NBC News“, Амбер Херд (36) за првпат во медиумите го сподели своето мислење за судењето со поранешниот сопруг Џони Деп (58).

Реакциите на нејзините изјави не престануваат, а се огласи и познатиот британски водител и новинар Пирс Морган (57) кој е познат по тоа што нема „влакна на јазикот“. Тој ги коментираше нејзините зборови дека социјалните мрежи влијаеле на исходот на пресудата и дека Џони и таа „немале еднаков третман на социјалните мрежи“.

The jurors didn’t read any of the social media stuff, they listened to the evidence & concluded she was lying. I suggest it’s time for Ms Heard to stop playing the victim. https://t.co/P79K64UtIO

— Piers Morgan (@piersmorgan) June 13, 2022

– Поротниците не прочитаа ништо на социјалните мрежи, ги ислушаа доказите и заклучија дека лажела. Предлагам г-ѓа Херд да престане да се преправа дека е жртва – искоментирал Пирс Морган.

Тој исто така, ја споредил Амбер со Меган Маркл (40).

„Амбер Херд е како Меган Маркл – колку повеќе моли и глуми жртва, користејќи ги своите најдобри актерски способности, толку помалку ѝ верувам“, напишал тој на Твитер.

Amber Heard is like Meghan Markle – the more she whines & plays the victim, utilising her best acting skills, the less I believe her.

— Piers Morgan (@piersmorgan) June 14, 2022

Да потсетиме, Херд во интервју за новинарката на NBC изјави дека останува на сѐ што рекла на суд и дека до смрт ќе остане на тврдењето дека Деп ја тепал и сексуално злоставувал.

Никол Хаф, американска адвокатка специјализирана за шоу бизнис, објаснила дека таквите тврдења би можеле да бидат основа за нова тужба.