Алијанса за Албанците до владата: Намалете го коефициентот на платите на функционерите

Ако владата беше искрена во својата одлука да ги намали платите на 2.060 државни службеници
на минимална плата од 14.500 денари за април и мај, како што е случајот со вработените во
приватниот сектор или тие кои ги загубија своите работни места како резултат на кризата, владата
треба да го направи тоа на начин нејзината одлука за да не може да се оспори од Уставниот суд,, ѝ порачува Алијанса за Албанците на владата.

„Откако Уставниот суд набрзина реши да ја поништи одлуката на Владата за намалување на
платите на пратениците, судиите и функционерите, хуманоста во ова време на криза остана во
волјата и желбата на избраните и именуваните. Досегашните практики и честата злоупотреба на народните пари, дури и сега во време на пандемија, оставаат сомнеж дека човештвото во значителен број од оваа категорија дури и не постои, а во други случаи е направено само за политички публицитет.

Затоа, мерката „солидарност“  за да не стане мерка за политичка пропаганда, туку да биде реална применлива, Алијансата за Албанците ја повикува владата да го намали коефициентот на пресметување на платите на сите избрани и именувани од владата и парламентот и другите
функционери, на начин што Уставниот суд не може да ја поништи истата. Пресметката на платите со новиот коефициент на пресметка треба да е валидна сè додека важат скратените плати за вработените во приватниот сектор. Време е за вистинска солидарност! “, порачува Алијанса за Албанците.