Алегри сака да се врати во Јувентус, ама не го сака Роналдо во тимот

„Тутомеркато“ објави дека враќањето на Масимилијано Алегри во Јувентус е неизвесно, а оваа вест брзо се прошири и во останатите италијански медиуми.

Италијанските медиуми објавија дека стратегот имал одредени барања до раководството на клубот. Еден од условите бил да се прекине соработката со Кристијано Роналдо и да им се заблагодари на уште неколку фудбалери кои имаат високи плати, а играат под очекувањата, а тука се мисли на Рамзи и Рабио.

Долго време се шпекулира за заминување на Роналдо од Јувентус, а такво нешто најверојатно ќе се случи доколку тимот не избори пласман во Лигата на шампиони.