Албанското знаме на оградата на Владата ФОТО ВИДЕО

Албанското знаме денеска беше поставено на оградата пред Владата како и пораки испишани на албански јазик. Засега не е познато кој го поставил знамето. Видеото и фотографиите на Фејсбук ги објави извесен Блерим Ахмеди.

Тој во постот наведува дека полицијата им забранила да се соберат пред Владата за да не дојде до судир со демонстрантите од протестот кој денеска го оддржа ВМРО-ДПМНЕ.

– Во нашата порака, испратена до Владата преку транспаренти, го доживеавме и задоволството да го развиориме албанското национално знаме, кое заслужува да остане во оваа земја – пишува Ахмеди на Фејсбук.

Инаку  Албанија денеска го прославува Денот на независноста и на албанското национално знаме.

ОД МВР потврдуваат дека знамето на Албанија било поставено, но како што велат на оградата која се поставува пред оддржување на протести.

– Група граѓани денес го ставиле знамето на оградата, се сликале и потоа го тргнале – велат од МВР.