АЛБАНСКАТА ОПОЗИЦИЈА ПОПУСТО ПРОДАВА МАГЛА ДЕКА СМЕ ОРИЕНТИРАНИ КОН СРБИЈА Одиме во Приштина на меѓувладина конференција, најави Муртезани
На 18 ноември делегација од Владата, предводена од премиерот Христијан Мицкоски ќе претстојува во посета на Приштина, за билатерална средба влада со влада, најави министерот за европски прашања, Орхан Муртезани.
На 18 ноември во Приштина ќе се одржи меѓувладина седница меѓу владите на Македонија и на Косово, најави министерот за европски прашања, Орхан Муртезани во интервју за „Лајм“.
– На 18 ноември делегација од Владата, предводена од премиерот Христијан Мицкоски ќе претстојува во посета на Приштина, за билатерална средба влада со влада. Оваа посета е доказ за јасната ориентација на Владата кон регионалната соработка и зајакнувањето на односите со Косово – рече министерот Муртезани.
Со оваа седница, додаде тој, се отфрлуват обвинувањата и клеветите од албанската опозиција дека новата влада е ориентирана кон Србија.
– Паѓаат во вода сите тие обвинувања од опозицијата, особено албанската. Таа се обидува да го покрие стравот од фактот дека е опозиција, продавајќи магла дека Северна Македонија е ориентирана кон Србија. Еве конкретен чекор на новата влада, ќе одиме во Приштина пред да одиме во Белград – изјави Муртезани.