🎥 АЛ ПАЧИНО НАПРАВИ ХАОС НА ОСКАРИТЕ Погледнете го говорот во текот на врачувањето на најважната награда

Легендарниот Ал Пачино ја имаше честа да го додели последниот Оскар на вечерта на церемонијата на доделување награди што се одржа синоќа во Лос Анџелес.

Ал Пачино (83) излезе на сцената да ја додели последната, според многумина и најважната награда – најдобар филм на годината.

Непишаните правила на Оскарите налагаат имињата на сите номинирани да се читаат од хартијата во пликот.

Освен „Опенхајмер“, номинирани беа и овие филмови:

„Американска фикција“
„Додржувачите“
„Зона на интерес“
„Барби“
„Кутри нешта“
„Минатите животи“
„Анатомија на пад“
„Маестро“
„Убијци на цветната месечина“

I’m obsessed with the way Al Pacino announced Oppenheimer as Best Picture. couldn’t have been more chaotic or confusing lol

“Best Picture…uh, I have to go to the envelope for that. And I will. Here it comes. And my eyes see Oppenheimer?”#Oscars pic.twitter.com/a0hNQ4ZP7j

— Spencer Althouse (@SpencerAlthouse) March 11, 2024

Но, Ал Пачино решил да го игнорира тоа правило и штом се качил на сцената делувал збунето, како да не се подготвил.

„Леле, ви благодарам, пријатели. Ви благодарам, благодарам, не знам. Да ви одиграм нешто од Шекспир, мислам дека тоа е во ред, зарем не? Да бидам или… Не, нема. извинете. Па, ова е последната награда на вечерта и чест ми е да ја доделам. Десет одлични филмови се номинирани, но само еден ќе биде награден. И морам да го отворам пликот, еве, сега. И моите очи го гледаат „Опенхајмер“, да“, прочитал Пачино во еден здив.

Аплаузот кој следеше беше донекаде слаб, како поголемиот дел од публиката да не очекуваше Пачино „само“ да каже кој ја доби наградата, без да ги спомене сите други филмови.