Актерот се фалел дека го прекршува карантинот, медицинска сестра му покажала како изгледа по смената ФОТО

Британскиот актер Лоренс Фокс на Твитер го критикуваше новиот карантин во Велика Британија и ги повика луѓето да „останат надвор“ и „да ги заштитат своите права“. Фокс ја критикувал и националната здравствена служба, за која напиша дека не е соодветна за целта, ако не може успешно да се справи со пандемијата.

„Им ја скратуваме иднината на нашите деца. Тие заслужуваат похрабри родители. Да ставиме крај на карантинот. Да ставиме крај на владеењето на стравот“, напишал актерот на Твитер меѓу другите објави во кои го изразува таквото мислење.

Во една слична објава, Фокс се пофали дека однел група пријатели на ручек и дека се прегрнувале и бакнувале и порача дека никој тоа нема да им го одземе.

Британската медицинска сестра Џоана Џексон, која работи на одделот за интензивна нега, ги видела објавите на актерот и одлучила да одговори. Таа на Твитер објави фотографија на која се гледа како изгледа по долга смена на работа, односно откако носела заштитна опрема речиси цел ден.

„Само што ја држев раката за една личност која почина сама, без семејството или саканите покрај неа. Мило ми е што си уживал во својот оброк”, му порачала таа на актерот.

Корисниците на Твитер почнале да го напаѓаат актерот, а некои дури и медицинска сестра која подоцна одлучила да се повлече од дискусијата. Да потсетиме, владини научници во Велика Британија неодамна објавија студии за тоа како нивниот карантин имал влијание врз намалувањето на ширењето на пандемијата.

We are denying our children their future. They deserve braver parents. End lockdown. End the rule of fear.

— Laurence Fox (@LozzaFox) December 1, 2020

Just held a persons hand as they died alone, without their family or loved ones by their side. Glad you enjoyed your meal. https://t.co/L4FrRUnIdx pic.twitter.com/RWkBELdRXA

— Joanna 🌈 (@joanna_louise0) November 30, 2020

ФОТО: Keith Mayhew/IPA/PIXSELL/Twitter