Актерот откри детали за Меган Маркл: Ми седна во скут, му го скрши срцето на мојот пријател ФОТО
Актерот Нема Ванд гостувајќи во подкастот „Реалност живот со Кејт Кејси“ детално го опишал своето дружење со Меган Маркл во текот на нејзините средношколски денови.
– Одев во средно училиште за момчиња, а едно од нашите сестрински училишта беше она во кое одеше Меган Маркл. Јас пораснав со неа. Бевме пријатели долго време. Таа беше една година постара од мене. Меган беше неверојатна, жена меѓу девојките. Сите беа вљубени во неа. Беше слатка и многу љубезна – открил актерот.
Според Ванд, Меган одлично се снаоѓала во машкото друштво.
– Таа знаеше што прави. Мајсторски си играше со нашите срца. Еднаш бевме на забава, а таа ми седна во скутот. Носевите ни се допреа. За 16-годишник, тоа е емотивен момент. Таа ми рече на персиски: „Многу си убав“. Ја прашав како знае персиски, а таа ми рече дека го научила за мене – откри актерот.
Ванд исто така истакнал дека сите со задоволство се сеќаваат на своето минато со актерката. Тој ја раскажал и ситуацијата што ја доживеал неговиот пријател.
– Мојот пријател Гејб со кого пораснав беше во врска со Меган во средно училиште, тој ми рече дека се оддалечила од него откако започнала да глуми во серијата „Костуми“. Тоа навистина ги повреди неговите чувства. Сфатив дека Гејб навистина го почитуваше нејзиното пријателство. Па Меган, ако го слушнеш ова, јави му се – рекол Ванд.
ФОТО: Инстаграм