АКО САКА НЕКА ДОЈДЕ И МИЦКОСКИ КАКО ШПИЦЕН КАНДИДАТ Пендаровски не одбива дебата, ама само ако бидат сите кандидати вклучени
Досега, во поканите кои ги добивме од медиумите за учество на тв дебата, немав добиено информација дека сите седум кандидати ќе бидат учесници на некоја од предвидените дебати, соопшти штабот на Стево Пендаровски.
Како кандидат за претседател во секое време прифаќам да има политички дебати со моите противкандидати, но како што се изјаснив пред почетокот на кампањата, инсистирам во дебатите да бидат вклучени сите седум претседателски кандидати потврдени од Државната изборна комисија.
Ова го соопшти актуелниот претседател и кандидат за нов претседателски мандат Стево Пендаровски, откако новинарот Боби Христов денеска му додели црвен картон поради тоа што одбил да учествува на дебата на Телма.
„Прв предложив да се одржат 2 големи, т.н. мастер дебати, една на почетокот на кампањата и една пред првиот круг на гласање. Дебатите беше планирано да се реализираат на неутрален терен, а пренос од истите да вршат сите национални телевизии. На дебатите седумтемина кандидати ќе имаа подеднакви услови да ја презентираат својата програма за работа. Досега, во поканите кои ги добивме од медиумите за учество на тв дебата, немав добиено информација дека сите седум кандидати ќе бидат учесници на некоја од предвидените дебати“, соопшти штабот на Пендаровски.